Kawlgambup sungah Union Army khatbek om Huaihau

Kawlgambup sungah  Union Army khatbek a om ding ki lawm hi ci-in,

Pythawngsuh hlutdaw(Nah yah kah) Turahshwemann in,Sept 2,2013 ni-in

Taungyi khuapi aa ki bawl,Shan makaipi lam te leh mipi,ki muh khopna

pawi ah,gen khia hi.

 

“Gamsung kep cingna tawh ki sai in,Gam khatsung ah Gamvil thautawi 

kipawlna khat bek om ding kisam hi.America ah zongh,Union in a sang

Union Army khatbek om hi.Khuapi lian khat Gaalkaap kipawlna khat nei

cih bang,koi gam peuh mah ah om lo hi.Gambup a kemcing Galvil thautawi

mun khat sung bek ah,thautawi khempeuh ki pawl ding hi”ci-in Turashwemaan 

in gen hi.

 

Power Sharing-Thu neih theihna ci pen ngaihsut khiat na leh thu khatkhit khat

a ki khel khitteh,olno tak in thu neih theih hilo hi ci in,Turasehweman in gen beh hi.

 

Turashwemaan i gen Union Army tawh ki sai,Union Army sungah gamnuai mite

tawh ki hel khop ding pen,ngaihsut huai mahmah leh dot na thu tampi om ding

hi ci in,SNLD makaaipi Saikhamba in,a muh zia gen hi.

 

Ahizong in,thukhun tawh ki zui in,koici dan in Union army gamnuai mite tawh

ki nei khawm thei ding aa,gamnuai mite bangcih dan bangzah ciang ki hel

thei ding cih dan,nakpi tak aa ngaihsut kisam ding hi,ci-in gen beh hi.

 

Kawlgam thukhun 337 ah”Gambup kemcing thautawi kipawlna in,gambup sung

a kemcing a dal ding hi aa,a thupi mahmah hiamgamh tawi te a hihi ci a lakkhiat na

Thukhun 338 ah”Gamsung aa om thautawi khempeuh pen,Gambupsung a hum hiamgamh a tawi kipawl

napi ih khuatnuai ah om ding ci-in,ki mu thei hi.

Source:Mizzima

IH LAM ETET PENGLAM 3 VIDEO KI NGAHNA DING TE

**Voice Of Zomi**Post-day**June 20,2013**

                                          Zomi akua maciat,

                                          Pengalm 3 video pen,ei lai,

 eipau,,kawlai,manglai tawh,Kala Movie 3 Idiots pan a kilet

                                          khia hi-in,gamsung gampua ah ki

hawm khi ziahziah ta ahihmanin,nong et sak uh aa,

                                          nong lei sak nziahziah na ding un ong zasak ing.

                                          Penglam 3 video a ki ngah thei na ding mun te:

                                   

                                               

                                   

                                 Yangon:    U  Kapno(0943025229),

                                                  Sawnmang(09400312032),

                                                  Thawnpi(0931287874)

                                 Hakha     :  Niang Khan Nuam @Nuambawi(+95(092450514)

                                               

 

                                     Mandalay :    Pa Go Lian Tuang

                                     Kawlpi     :  1.Airport store(07321296)

                                                     2.Lian Cing (09400473391)

                                                     3.Sia Job Thawngno

                                     Tedim       :1.Sia Kampi (07050186)

                                                      2.Ram Lian Thang(0973112988)

                                    Malaysia      :Rev.Pau Sian Khai(0179917657)

                                    Korea          :Sia Go Van Mung

                                    Austrilia      :  Dr.Dongno(james.s.z.dong@gmail.com)

                               Thupuak      : Nang Sian Thawn @Thawnpi

                                                   DELT (cand.)

                                                   Yangon University

ZCD/ IRI PAWI AH PAI

**Voice  Of  Zomi**Post-day**June 19,2013 **

                          Dear Sanggam teng,

                          Ih Party pen International Republican Institute te sapna tawh tuni Park Royal Zinsang nai 10 in,

                          kawlgam sung aa party tuamtuam te leh Civil Society te pan mipi 100 bng om sam in,amau nasep

                          dan ong gen khia thei uh aa,ZCD party pan in,Pu Cin Sian Thang(ZNC/ZCD President),

                          Pu Ngul Khan Dal,Pu Khup Mung leh Pu Zam Mung te ki hel thei uh hi.IRI te leh ZCD 19.6.2013Parkroyal

 

                        Tua ciangciang kuakua in ong sam leh ka hih teih bang un,na pai den ung.IRI pan in President,

                       Asai Regional Director leh Country Director te ong ki hel thei uh hi.President pan a genna ah,

                      ko U.S gamah zong atam zaw deihna tawh US president ka tel uh hangin,migi na lo zong ki tel kha

                     thei veve hi.

                     Democracy ki-ukna kum 240 bang ka zat khit uh hang,haksatna leh deih  bang lo na te ki phul kha

                     veve hi,ci-in  IRI President pa in gen hi.

                     Tuaciang a pai te lampan bel,PR ki teeldan deih lohna leh Federal deihna thu ki lim gen pih mahmah hi.

 

                     Thupuak : Zam Mung

                                    ZCD

ZCD,UNA LEH DAW AUNG SAN SUHKYI KI MUHNA NEI

June  19,2013 ****Voice Of Zomi***Post-Day****

                              Tu ni June 18,2013 Zingsang 10:00 in Daw AungSan Suh Kyi i sapna tawh,ama inn ah

                             UNA pan ZCD,SNLD,MDP leh ALD party te ki muh khop na ki nei thei hi.

Dssk inn ah UNA te ZCD,MDP,SNLD,ALP te ki muh na(18.6.2013)

 Nupi nu gen na ah bel Fedral vai pen damdam  in vaihawm ding leh,Constitution amendment/

                           reform ding lim gen mahmah hi.

                          Tua ciang Gullu vai tawh kisai (14.5.2013) a Tedim,Tonzang,Cikha khua pan a mipi deihna,

                         lunggulh na lai)(kawllai)tawh pen Nupi nu khut tung ah na pia  ngiat thei ung.

                        Hih pen kumpi  leh chinstate kumpi lam te vaihawm gullu tawh ding pen,mipi-in ka deihloh na

                       lai hi ci-in ki pia hi.

    

    Thupuak : Zam Mung

                ZCD

ZOLAI KUM 100 PAWI KIBAWL DING

June 18,2013 ****VOZ…Postday****

 

Zomi Innkuan USA

Executive Comittee

Thuphulakna:Zolai Kum 100 pawi

 Zomi Innkuan USA te kipawl na innteekna tawh,Zolai kum100 cinna muakna pawi“Zolai Kum100 pawi“

anuai aa,hun geelna bangin ki bawl ding hi.

 

A Ni                 :July 5,2013 (Friday) – (Julu 4th) Week-end

A Hun              :Nitaak 7:00 PM (Central)

A Mun             :Full Gosple Assembly Biak-Inn

                       7401 S.Memorial Drive

                      Tulsa, OK 74133

 

Zolai kum100 pawi sung ah,Zolai a thupitna a gen dingin,Austrilia gam a teng,Yangon Siamsin kipawlna ah makai masa

pawllak a kihel,Zopuan a kici,Zomi pasalte’ ngeina puan a phuangkhia pa,Dr.Suan Za Dong(Dr.Dong No)ki cial hi.

 

Zolai hong phiankhiatna leh Zolai tangthu a suut dingin,Zomite sung a Zolai tawh kisai,kipawlna lianpen a hi,ZCLS kipawlna

ah General Secrtary panmun a lenngei,Tulsa khuapi a teeng,Rev.Thawng Cin Khan Taithul ki cial hi.

US gansung a om Zomi lasiam minthang te tung pan Zolai kum100 pwi muakna lasak na leh,Tulsa khuasung khau nu khuapa te tung

pan,Zolai pahtawina Zongeina laam lahna te zong ki bawl ding hi.

 

Zolai kum100 pawi bawlna  hunsung khempeuh,Online live Webcast a hong bawlsak dingin,FGA media Group leh  Zomi TV tanu te ki cial hi.

 

Zolai kum 100 pawi a sim ding in,US gamsung aa,a om khempeuh,itna tawh hong ki sam hi.

 

Executive Committee

Zomi Innkuan USA

Tulsa,Oklahoma,USA

June 16,2013

 

 Thupuak : ZIUSA

ZOGAM ZOMI SUNG MIPIL KHAT IN ONG NUSIA

Pa Piter Gin(54)(State Education Office,Hakha) in ong nusia

June 18,2013 ****

Khalkah,Zogam Pilan Zumpi ah asem Ih Pa Piter Ngin in,lamet loh pi-in,(16.6.2013) ni-in

hakha pan hong nusia hi.


Zogam,Education officer at hakha,Sia Peter Gin,Pass away

Piter Gin pen,1.5.1960 kum aa suak hi.Amah i Zi pi pen, Ou Suan Za Gin(Guite) leh

Pi Niang Ngaih Lun te tanu Nu Tel Hau Dim hi aa,1985 kum in,a kiteeng a hi hi.

Nu Tel Hau Dim tawh,ta (3) nei aa,(1)Tg.Gin Khan Suan(3rd year-GEO)

(2)Tg.Gin Sian Mung(1st year-Technology University)

(3)Lia,Cing Lian Dim (2nd year-English)te ahi hi.

Sia Peter Pau Suan Thang@Peter Gin i,a zi kik khalkha te hi aa,Pi Cer Ku a hi hi.

June 17,2013 ni in,CCF hakha biakinn ah amah tawh hun nunung ki bawl aa,Hakha

Ruvazung han ah ki vui ding hi.A Zi,a ta te zong Kawlpan in ong paito uh hi.Ih minam sungah

Mipil khat in ong nawtsiat na hangin,a zi,ata te leh a danh te tawh,ih dah khawm hi.A zi a ta leh

a dah a kap te khempeuh,Topa in hehnep na ong pia kim ciat ta hen!

Thupuak : Khual Suante

PASAL 23 TAWH A KI TEENG NGEI PITEEK NU

June 17,2013 ****

Linda Wolfe a kici min nei Piteek khat hi.

A kum (16) in a pasal masa tawh ki teeng hi.

A inn veng aa,amah tawh a ki gual khat tawh hi.

Psalno i kamsiam na te um in,nu leh pa in thukim pih ta kei

leh amau leh amau thu in ki teeng uh hi.

Pasal 23 nei linda wolfe nupi nu

Ki-it/ngaih na man taktak pen,amah in mulo hi.Hih ci bangdan in

ki khen ki teeng cih bang in,innkuan ong neitoto hi.

Amah sung pan a piang tan 7 neii-in,tu zong nei khin lai hi

A kum 68 pha ta aa,American gam,Indianan khuapi ah om hi.

Leitung innkuanpih tam vei a neipen in,ciapteh na ngah hi.

Ama ki teng pih te zong a si khin bang om hi.

A hih hang,khat guak om zo kei ing ci aa,Pasal dang neih ding

gel na nei lai ci hi.

Thu lakna: Myanmar Online News

ZOMITE LUNGPHO DING VAI A ZOMZOM TE

June 17,2013 ****

Lungpho dig vai bel,

Marryland lam aa te ki ging khin mahmah cih ki za ven.

Australia lambel WZC lampan lai ka ngah kei uh leh,

hih kei nung cih thu om in,Tua bang a hih leh ci-in,

WZC te ki meeting in,Official a sawm zotna lai khikhak ta hi.

Kuala Lumpur lam bel.makaite lungliap pian in,Mi khankhat a ki contct leh

ZAM leh khuaki pawl na te iin hih ni a cih uh leh,a zui ding in ready ung ci hi.

Hun hoihloh tawn nasep hoh khat ki kuanlo in,ahiang mibel tam mahmah aci om hi.

Norway bel a husa ki za lo in,Oslo lam aa te bl ki thawi2 cih thu ki dawn sak hi.

Tua lo Ottawa,Berlin,London,Tokyo cih lam te ki za nailo hi.

New Delhi bel a aw uh ki zalo ahihman in,Zomi makai khat a hi Pu Khaino a cih,

Pu Thang lian in hopih ding in vai ki seh hi.

New Delhi bel Bus sap kul ding a,Bus 1 ciangin Rs3000 ki sam ding a,

A ki sap leh Donor zon sak ding cih,ngaihsut na ki nei hi.

Chinte bang lawp peuhmah in a ki zawn nailophot hi.


June 30 ni khuapi a te pan mun lak na en phot leng,aginat kei luat uh leh,

a kik ciang,mundang aa om teng a hi thei bang in pan la veve ni.

China Embassy khawngah zong hihto lai ding hi hang.

June 30 khit teh,Review bawl in,kisam ih sak leh WZC gam khempeuh,

khua khempeuh ah Unit ki phuan khia ding hi.

Ong hoih nak aa leh tua a dan iki pai sawm phot hi.

Ih mimal vang(DINITY)tawh ki sai a hihman in,pan la ciat ni!

Thupuak ; Pu ZoKhup

ZOMI TE LASIM DING VAI THUPI(2)

June 16,2013 ****

Kawl Siampu te in kawl Buddisth numei te tawh kisai law khat,

Parliarment ah thusun ding in khawmpi nei khin uh hiven.

Buddisth Numei kha leh Biakna dang khat a kiteng leh,

1. Tua pasal in Majority upnaBuddishim a zuih zawk ding.

2. Biakna dang khat in kawl Numei zi Buddisth pan a khawl/tawp sak leh thong kum 10.

cihte nih ki hel hi.


*Rakhine gamah zong ta 2 bek neih theih ding,tua khitciang ban ge ding ci hi.

* U sanggam kawlten bel Christian,Muslim leh Hindu te hi thei leh hong get mang nuam uh hi.

* Christian leh Hindu te bel khoih ngam nailo in,Muslim te bel ban patpat ta uh hi.


Thupuak : Pu ZoKhup